3D ACADEMY сургууль нь 2002 онд байгуулагдсан бөгөөд Филиппин улсын Себу хотын Бизнесийн дүүрэгт байрладаг. Өнгөрсөн 20 жилийн хугацаанд Япон, Солонгос, Тайвань, Хятад, Орос, Вьетнам гэх мэт дэлхийн өнцөг булан бүрээс ирсэн 14000 оюутанд Ерөнхий Англи хэл, IELTS, TOEIC, TOEFL, Бизнесийн Англи хэлний сургалтыг хүргээд байна. 3D ACADEMY сургуулийн 3D нь "Discover", "Do", "Develop" гэсэн гурван үгийн товчлол бөгөөд "Шинээр нээ, Үйлд, Хөгж" гэсэн утгатай.

СУРГУУЛИЙН ДОТУУР БАЙР

Сургуулийн дотуур байр нь нийт 20 өрөөтэй бөгөөд Single, Double, Triple, Quadrable өрөөний сонголтуудтай, өрөөндөө 1-4 хүн байрладаг. Гэр бүлийн гишүүд, хосоороо явах бол сургуулийн хажууд байрлах Tsai, Prestigio зочид буудлын Single, Double, Triple, Studio өрөөнүүдэд байрлах боломжтой. Өвөл, зуны хөтөлбөрийн хүүхдүүд маань сургуулийн дотуур байранд өрөөндөө дөрвүүлээ байрлана. Дотуур байрны дэргэд худалдаа үйлчилгээний төв, супермаркет, Jollibee түргэн хоолны сүлжээ байрладаг. 

ХӨТӨЛБӨРИЙН ОНЦЛОГ

3D ACADEMY сургууль нь дараах сургалтуудыг явуулдаг.

Ерөнхий Англи хэл - Өдөрт 4 цаг ганцаарчилсан сургалтаар Унших, Бичих, Ярих, Сонсох ур чадварын хичээл, 2 цаг жижиг групп сургалтаар Кино, Медиа хичээл, 1 цаг том групп сургалтаар Англи, Америк багштай ярианы хичээл орно. 

IELTS/TOEFL/TOEIC - Өдөрт 4 цаг ганцаарчилсан сургалтаар Унших, Бичих, Ярих, Сонсох ур чадварын хичээл, 3 цаг групп сургалтаар IELTS writing, Медиа хичээл, Англи, Америк багштай ярианы хичээл орно. 

ТӨЛБӨРИЙН МЭДЭЭЛЭЛ

• Хүүхдийн хөтөлбөр - 1 сарын сургалтын төлбөр, өрөөндөө 4 хүүхэд байрлах байр, хоол, аяллын төлбөр багтсан. Хүүхдүүдийн өвөл, зуны амралтаар нэгдсэн журмаар зохион байгуулагддаг. 
  • Ерөнхий Англи хэл: 1800 ам.доллар
  • IELTS/TOEFL: 1950 ам.доллар
• Насанд хүрэгчдийн хөтөлбөр - 1 сарын сургалтын төлбөр, өрөөндөө 4 хүн байрлах байр, хоолны төлбөр багтсан. Даваа гараг бүр шинэ элсэлт авна.
  • Ерөнхий Англи хэл: 1366 ам.доллар
  • IELTS/TOEFL/TOEIC: 1436 ам.доллар

Хэрэв та өрөөндөө ганцаараа эсвэл хоёулаа байрлах бол үнийн дүн өөрчлөгдөх болохыг анхаарна уу. 

БУСАД ЗАРДАЛ

Манай бүртгэлийн хураамж 200$, оршин суух зөвшөөрөл, цахилгааны төлбөр, цэвэрлэгээ үйлчилгээ, ном сурах бичгийн төлбөр 250$, онгоцны тийз 3.5-4.5 сая төгрөг нэмэгдэнэ.